2024 ОНЫ АРАВДУГААР САРЫН ЦАГ АГААРЫН НӨХЦЛИЙН ТОЙМ

Агаарын температур(Air temperature): Өнгөрөгч сард агаарын дундаж температур Их нууруудын хотгорын сумдаар 5.2-7.8 градус, Алтайн өвөр говийн сумдаар 6.3-7.0 градус, өндөр уулын сумдаар 1.4-4.8 градус дулаан байлаа. Энэ нь олон жилийн дунджаас Дулаан үзүүлэлт юм. Агаарын хамгийн их температур нийт нутгаар өдөртөө 15-22 градус дулаан, хамгийн бага температур шөнөдөө  4-13 грудас  хүрч хүйтэрсэн байна. Энэ сард агаарт +30 градусыг давж дулаарсан болон -30 градусыг давж хүйтэрсэн хоног ажиглагдаагүй.

Хөрсний температур(Soil temperature): Нийт нутгаар хөрсний дундаж температур 3-10 градус дулаан байсан. Хөрсний хамгийн их температур  өдөртөө нийт нутгаар 29-40 градус дулаан, хамгийн бага температур шөнөдөө 6-15 градус хүрч хүйтэрсэн. Хөрсөндөө +40 градусыг давж дулаарсан өдөр ажиглагдаагүй.

 Хур тунадас(Precipitаtion): Сарын эхний 10 хоногт ихэнх нутгаар 49.1 мм, дунд 10 хоногт нийт нутгаар 171.2 мм, сүүлийн 10 хоногт Дарви суманд 0.0 мм нийт 220.3 мм тунадас орлоо. Энэ нь олон жилийн дунджаас ахиу  хэмжээтэй байлаа. Хамгийн их тунадас Алтай, Дарви /25.6 мм, 22.2 мм/ сумдад орсон бол хамгийн бага тунадас Дөргөн суманд дунд 10 хоногт 3.6 мм бороо орлоо. Мөн Эрдэнэбүрэн, Дөргөн, Алтай, Зэрэг сумаас бусад сумдын нутгаар 17, 18-ны өдрүүдэд 0-2 см зузаан цас, нойтон цас орлоо.

Салхи(Wind): Нийт нутгаар салхины хурд 10-29 метр хүрч аюултай үзэгдлийн хэмжээнд хүрч шуурсан. Салхины их хурдыг сумдаар авч үзвэл: Дарви, Үенч, Алтай сумдад салхины хурд секундэд 10 м хүрч зөөлөн шороон шуургатай байсан бол Зэрэг суманд салхины хурд секундэд 29 метр, Дуут 23 м, Чандмань, Мөнххайрхан сумдад 20 м, бусад сумдын нутгаар 15-19 метр хүрч хүчтэй шороон шуурга шуурсан байна.

ХАА-н үйлдвэрлэлд явагдаж байгаа ажил:  Энэ сарын 5-15 хооронд нийт сумдаар бог мал хээлтүүлэх ажил эхэлсэн ба урд сард үргэлжилж байсан хужир шүү бэлтгэх, тарилга туулга хийх, мал оторлох, сааль сүү бэлтгэх зэрэг ажлууд үргэлжилж байна. Газар тариалангийн үйлдвэрлэлд хүнсний бүх төрлийн ногоог хурааж дуусаад, борлуулах ажил үргэлжилж байна. Дээрх ажил үйлчилгээ явуулахад  энэ сарын цаг агаарын байдал  дулаахан тогтуун тааламжтай нөлөөлсөн.

 Цаг агаарын нөхцлийн онцлог:

• Энэ сард зарим сумдын нутгаар нийт 220.3 мм тунадас орсон. Сарын дунд 10 хоногт  нийт нутгаар 171.2 мм тунадас орлоо
• МАА-н үйлдвэрлэлд явагдаж буй ажилд цаг агаар дулаахан тааламжтай байлаа.